Open Internacional de Mallorca: Un desafío de nivel europeo
Esta fin de semana celebrouse o prestixioso Open Internacional de Mallorca, un evento que reuniu a máis de 800 participantes de toda Europa. Con competidores procedentes de países como Portugal, República Checa, Suecia, Alemaña, etc., e de diferentes puntos do panorama nacional español, o nivel do campionato foi notablemente alto. A pesar do gran rendemento dos nosos deportistas, o podio foi esquivo para moitos, mostrando o esixente que foi a competición, pero conseguimos subir como campións da man de Diego Lijo e subcampións con Irene Rodríguez e Pablo Torrado.
Diego: Progresión constante, CAMPIÓN🥇
Diego comezou o torneo cunha vitoria sólida no seu primeiro combate (2-0), e aínda que no segundo combate (2-1) estivo menos centrado, logrou resolver o enfrontamento no último asalto. No terceiro combate (2-0), mellorou considerablemente, especialmente no segundo asalto, amosando un rendemento máis fluído e, tras deixar atrás a diferentes competidores de Alemaña e República Checa, proclamouse campión do peso.
Irene: Prata con sabor agridoce🥈
Irene alcanzou a final na súa categoría, levándose a medalla de prata. A pesar das súas vitorias nos primeiros combates (-913, -921, -925), confesou non sentirse a gusto nas súas actuacións. Foi no combate final (-927) onde mellor se viu, pero non puido acadar o ouro, pechando unha participación positiva con marxe de mellora.
Pablo: A un paso do ouro🥈
Pablo avanzou con firmeza ata a final, gañando os seus tres primeiros combates (-215, -219, -221) cun rendemento notable e mellorando en cada enfrontamento. Con todo, na final (-223), a pesar de amosar o seu mellor nivel ata o momento, caeu por 0-2, obtendo a medalla de prata, tras unha final na que realizou un precioso e duro combate.
Victor: Consistencia, pero sen recompensa5️⃣
Vic mostrouse sólido nos seus dous primeiros combates en -617 e -625, logrando vitorias por 2-0 en ambos, aínda que sen sentirse cómodo no combate. No seu terceiro enfrontamento en -629, aínda que foi a súa mellor actuación e onde se sentiu máis forte, caeu por 0-2, rematando tamén no 5º posto, pero satisfeito pola súa progresión no campionato.
Richi: Un paso cerca do podio5️⃣
Richi tivo unha destacada actuación na categoría júnior, gañando os seus dous primeiros combates con solvencia por 2-0, amosando estabilidade e superioridade en ambos os asaltos. O seu segundo combate en -521 tamén o dominou por 2-0, mantendo a concentración. Con todo, no seu terceiro enfrontamento en -527, a falta de claridade mental custoulle o pase, caendo por 1-2 nun combate complicado. Aínda así, finalizou nun meritorio 5º posto.
Adrian: Un final inesperado5️⃣
Adri alcanzou o 5º posto tras verse obrigado a retirarse no seu primeiro combate (-317) debido a unha serie de patadas abaixo. A pesar deste desafortunado desenlace, a súa actitude e dedicación durante o torneo foron exemplares.
Conclusión: Un torneo de gran nivel
O Open Internacional de Mallorca supuxo un desafío para os nosos deportistas, enfrontándose a algúns dos mellores competidores de Europa. Aínda que non todos conseguiron chegar ao podio, as sensacións en cada combate e o aprendizaxe obtido foron valiosos. Seguimos medrando como equipo, coa mirada posta en futuras competicións e co obxectivo de seguir mellorando.
💙FACEMOS TAEKWONDO 💙
#deputaciondacoruña
#deportegalego
#concellodeboiro
#jealsarianxeira
#xuntadegalicia
#taekwondoboiro
#CostadoTaekwondoBoiro
#Boiro